Во что «одевают» своих персонажей коми-пермяцкие авторы

Чтобы показать мир коми-пермяка, его повседневную жизнь, авторы очень часто прибегают к такому приему, как описание одежды персонажа. Такой подход является важным источником для раскрытия этнографических, социальных и иных особенностей действующих героев. Остановимся на нескольких примерах. Выбор и качество одежды зависят от статуса человека, от его достатка. Вот как описывает Лихачёв М.П. зажиточных людей (напомним, что действие в его произведениях в большей части происходит в предреволюционное время): Паськöмыс Егорлöн вывтас чегö, свиттялöны лаковöй сапоггез (Егор одет с иголочки, лаковые сапоги сверкают); Чеччис невылын мыгöра, свиттялан кизя, сьöд пальтоа морток. Фуражка одзас кокардаокыс югьялыштiс, кыдз звездаок (Встал невысокий человек со сверкающими пуговицами на черном пальто. Кокарда на фуражке сверкает, как звезда). Пальто, фуражка, безусловно, подчеркивают статус человека, его возможности приобрести одежду в магазине. Символом зажиточности в коми-пермяцкой деревне долгое время являлись и сапоги. Вот как описывает В. Климов богато одетую женщину: А то ён инька, и пась, и шапка – каракулись, кокас – дона сапоггез. Директорша нето врач. «Вот женщина, и шуба, и шапка из каракуля, на ногах – дорогие сапоги. Директорша или врач». Образом успеха и власти, а, следовательно, и богатства, сапоги наделены даже в фольклорных текстах: Царь лöгасис, чеччöвтiс кок йылö да царскöй сапогöн топнитiс «Царь рассердился, вскочил на ноги да царским сапогом топнул». Из-за своей дороговизны, сапоги для коми-пермяков были больше праздничной обувью, которую берегли и лишний раз старались не обувать: Свадьбася паськöмсö – гаруснöй йöрнöс, лöз виззя дöраовöй вешьян, стрась мича рöма кушак, йи да сапоггез – мужик пасьтавлiс сыбöрын только размöд «Свадебную одежду – гарусную рубашку, синие в полоску, домотканные штаны, разноцветный кушак, пояс и сапоги – мужчина надевал после свадьбы только пару раз». Устойчивые выражения бырöм вешьяннэз букв. «изношенные штаны» или бырöм вешьян-нинкöммез букв. «изношенные штаны-лапти», реализующие символ бедности, довольно употребительны в коми-пермяцких текстах: Мирскöйез ни то баняэзöт ветлöтöны, бырöм вешьян-нинкöммез! (в зн. «Безотцовщина уже по баням ходит, голодранцы»). Получается, что у бедных людей сопровождающим признаком их статуса является изношенная, старая одежда. Таким образом, одёжный код в произведениях реализуется довольно активно. Такая часть материальной культуры коми-пермяков, как одежда, способствует раскрытию образа персонажей. Современного читателя этот аспект в большей степени заинтересует тем, каким было материальное и социальное положение человека.

Рычкова

Коми-пермяцкöй литературалöн аркмöм

Коми-пермяцкöй тексттэзiсь персонажжезлöн паськöм Медбы мыччавны коми-пермяклiсь быдлунся олан, гижиссез произведеннёэзö пыртöны паськöмлiсь описаннёэз. Сiя, мыйö пасьтöтö гижись ассис геройесö, осьтö этнографическöй да социальнöй тöдöммез. Сувтчам кынымкö пример вылын. Паськöм да сылöн качество зависитöны мортлöн статуссянь, достатоксянь. Вот кыдз М.П. Лихачёв мыччалö богатöй отирöс (висьталам, что сiя описывайтic дореволюцтоннöй кад): Паськöмыс Егорлöн вывтас чегö, свиттялöны лаковöй сапоггез; Чеччис невылын мыгöра, свиттялан кизя, сьöд пальтоа морток. Фуражка одзас кокардаокыс югьялыштiс, кыдз звездаок. Пальто, фуражка мыччалöны, что мортыс вермö новйыны босьтöм паськöм. Коми-пермяцкöй деревняын öддьöн дыр достаток вылö мыччалiсö и сапоггез. В. Климовлöн текстiсь пример: А то ён инька, и пась, и шапка – каракулись, кокас – дона сапоггез. Директорша нето врач. Сэтшöм значеннё петö и фольклорнöй тексттэзын: Царь лöгасис, чеччöвтiс кок йылö да царскöй сапогöн топнитiс. Сiдз кыдз сапоггез вöлiсö донаöсь, то новйисö унажык нiйö вежалуннэз коста: Свадьбася паськöмсö – гаруснöй йöрнöс, лöз виззя дöраовöй вешьян, стрась мича рöма кушак, йи да сапоггез – мужик пасьтавлiс сыбöрын только размöд. Унаись пантасьöны кывтэчассэз бырöм вешьяннэз, бырöм вешьян-нинкöммез, кöдна мыччалöны бедность вылö. Мирскöйез ни то баняэзöт ветлöтöны, бырöм вешьян-нинкöммез! Петö, что беднöй морт вылö мыччалö важ паськöм. Паськöм тексттэзын петö öддьöн паськыта. Нiйö туйö торйöтны кад сьöртi, гендер сьöртi, мортлöн достаток да социальнöй статус сьöртi. Паськöм отсалö осьтны геройлiсь образ. Öння лыддьöтiсь понда сiя лоас интереснöйöн сiйöн, что мыччалö материальнöй да социальнöй положеннё вылö одзжыкся кадiсь.



Дополнить статью

Стихотворение, которое тронуло сердце…

Стихотворение, которое тронуло сердце… В коми-пермяцкой литературе можно найти много поэтических произведений. Они написаны на разные темы: о любви, о дружбе, о родине, о доме, о природе и т.д. Каждый сможет найти то, что тронет его сердце и заставит вновь и вновь перечитывать его… Мне нравится стихотворение Николая Васильевича Попова «Вöр сказка» («Лесная сказка»). Прочитаем его. О чем это стихотворение? Что стало материалом для его написания? Почему оно интересное? Стихотворение Н.В. Попова сюжетное, оно заставляет нас вспомнить о прошлом, о мифах. Источником для написания данного стихотворения стал фольклор. Устное народное творчество, включенное в сюжет, позволяет показать писателю, с одной стороны, его отношение к лесу, с другой стороны, представить мировоззрение коми-пермяков, а также ответить на вопрос – что такое лес. Лес для Н.В. Попова (да и для коми-пермяка) это и место, где живут животные, это и что-то «неизведанное», которое включает в себя знания о прошлой жизни. Это «неизведанное» тесно переплетается с образом Лешего. Поэтому и появляется обряд «написание кабалы», которое также связывается с особенностями жизни коми-пермяков. Название стихотворения «Лесная сказка» соответствует его содержанию. В стихотворении Н.В. Попова, как и в сказке, добрые силы побеждают зло. Пера, как представитель добрых сил, прямо противопоставляется Лешему – злому духу. Данное стихотворение позволяет показать национальный образ мира, специфика которого кроется в представлениях о лесе и о его обитателях. Это поэтическое произведение интересно тем, что знакомит с коми-пермяцким фольклором, что раскрывает предпочтения автора в выборе материала и что позволяет больше узнать о коми-пермяках, как о народе.

А какое стихотворение дорого тебе? Напиши его. Расскажи, о чем оно.

Кывбур, кöда вöрзьöтiс сьöлöм…

Коми-пермяцкöй литератураын эмöсь быдкодь кывбуррез. Нiя гижöмась уна темаэз вылö: и горт йылiсь, и радейтöм йылiсь, и ёртасьöм йылiсь, и чужанiн йылiсь, и вöр-ва йылiсь и с.о. Быд лыддьöтiсь вермас адззыны ныын сiйö, мый лоö дона сы понда; сiйö, мый вöрзьöтас сьöлöм да тшöктас неöтпырись бертлыны эта произведеннё дынö… Меным донаöн лоö Николай Васильевич Поповлöн кывбур «Вöр сказка». Лыддьöтам сiйö: Мый йылiсь кывбур Н.В. Поповлöн? Мый лоис медшöрöн кывбур гижöм понда? Мыля сiя интереснöй? Н.В. Поповлöн кывбур сюжетнöй, ыстö миянöс одзжыкся олан дынö, прамиффез дынö. Кывбур понда источникöн лоис фольклор. Фольклор пыртöм отсöтöн гижись мыччалiс ассис отношеннё вöр дынö, осьтiс коми-пермяккезлiсь дзарньöв олан вылö, сетiс ответ юасьöм вылö – мый сэтшöм вöр. Вöр Н.В. Попов понда (да и коми-пермяк понда) и места, кытöн олöны вöрпиэз, и мыйкö «тöдтöм», кöда видзö ас пытшкас тöдöммез одзжыкся олан йылiсь. Эта «тöдтöмыс» бура йитсьö вöрись образкöт. Этасянь и петö обряд «кабала гижöм», кöда отсалö осьтны отирлiсь мировоззреннёсö. Бытшöма бöрйöм и ним кывбурлöн ‒ «Вöр сказка». Н.В. Попов кывбурын бур выннэз, кыдз и сказкаын, вашöтöны умöль геройöс. Бур вын – Пера – сувтö паныт умöль вынлö – Лешаклö. Этадз гижисьыс мыччалiс ассямасö отир оланiсь, кöда дзебöм одзжыкся представленнёэзын вöр йылiсь да сы олiссез йылiсь. Эта кывбурыс интереснöй сiöн, что тöдсöтö коми-пермяккес устнöй народнöй творчествокöт, что осьтö лыддьöтiсь одзын гижисьлiсь «предпочтеннёэз» материал бöрйöмын и что отсалö унажык тöдны коми-пермяккез йылiсь. А кытшöм кывбур лоö дона тэ понда? Гиж сiйö. Вежöртöт, мый йылiсь сiя.

Коми парма, вöр кондовöй,
Сира пожум, кöз и ньыв.
Быдкодь кайыс тэын олö,
Сьылö быдкодь сьыланкыв.

Косьмöм пу вылын кокасьö
Кыр ‒ каёкыс басöк, чож.
Вöрын жагвыв тапикасьö,
Малинавтöн локтö ош.

Верман тэ порой казявны:
Чылö пуштöм бöжа ур.
Кöзсянь кöз вылö чеччавны
И дзебсисьны сылö бур.

Тöв кö лэбас, небыт, ласков,
Мыйкö лёбö пипу лист.
То ль висьталö сiя сказка,
То ли быль, кывзiсь, верит.

Если мöс лешак гусялас,
«Оз берт мöсыс, öштас горт.
Сэки кабала кырлалö
И кеймисьö коми морт:

Лэдз пö мöснымöс миянлiсь,
Йöв пö корö челядёк.
Нылö ковсяс пö тшыгьявны,
Оз кö миян мöсным лок.

Кабаласö морт нöбöтö,
Пуктö мыр вылö гöснеч.
Мед лешакыс сёйис пöттöдз,
Мортлö умöльсö эз лэдз.

Мымда пакостьсö керлылiс
Вöрись дядь, нечистöй вын,
Даже мортлiсь туй дзуглылiс
Вöр пыдöсас зэв ылын.

Морт кö вöрын туйсö öштас,
Тöдö ни, мый керны сэк:
Гуня и ковпак мöдöртас,
Шöри ньöр кодь кöз поткöтас
Да размöд шагньöвтö сэт.

Сразу туйыс оссьö мортлö.
Гортлань öнi содты шаг.
Мед вились эн öшты горттö,
Эз декуйтчы мед лешак.

Коми вöрын эта гнусыс
Сiдз хозяйничайтiс дыр.
Кöть трекнитыштiс тымуссö
Сылiсь Пера-богатырь.

Вын нечистöй öнi öшис.
Каждöй морт довольнöй, рад:
Парма-вöрнымöс югдöтiс
Миян шондiа виль кад.

Том годдэз лэбзьöны, жыв кайез.
Вашöтö ылö нiйö кад.
Но вына ме и мыдзтöг кая.
Кыдз кыссьö вывлань курыт таг.


Ась ме звезда судзöта кöркö,
Но гортöс вексö ог вунöт.
Пиньöвтчöм, пуксьöм ни важ керку
Оланам ‒ медыджыт отсöт.


Кыдз лэбö тагыс бедь гöгöрöт!
Шучтыдалана, жыв биок.
А воас ‒ тырас шондi кöрöн,
И муыс бердiсь только черöн
Мездöтан сылiсь крепыт кок.


(Ф.С. Истомин)

МЕНАМ ВЫН

Фёдор Истоминлӧн кывбур лоӧ дона ме понда. Сэтӧн висьтассьӧ горт йыiсь. Сiя быд морт понда лоӧ меддона местаӧн эта оланын. Гортӧс вспоминайтiкӧ, син одзын петӧны серпассэз челядь кадiсь: кыдз чеччалiм крышаэз вылӧт, ысласим керӧс дорын даддезӧн, ледянкаэзӧн да пакеттэз вылын; кыдз гожумбыт тшӧктiсӧ уджавны карчйöрын (летны ёг, гарйыны картошка). Быдпырся, кӧр локтан гортӧ, пыран керкуӧ, кытӧн быдмин, юрӧ сразу вачкӧ тӧдса нянь дук, кӧдӧ пӧжавлiс бабӧ. А том годдэзным и, быль, öддьöн чожа лэбзьӧны и лэбзьӧны… Кажитчö, не сэтшöм важын порйӧтiн 15 во, а ӧнi тэныт тырис кыкдас. Кадыс пондӧ котӧртны сё чожжыка и чожжыка, и некин сiйӧ сувтӧтны оз вермы. Мийö адззам, кыдз тöдчана морт торйöтчö аслас радейтöмöн горт дынö, кӧда сiйӧ быдтiс. Этӧ сiя «храмыс», кытӧн тэнӧ пыр примитасӧ, некӧр оз осудитӧ и пыр пондасö радейтны. Колӧ донтны ассит гортсö, берегитны сiйӧ, частожык вовлыны сэтчö. Горт – этӧ меддона места, кöда только вермас лоны мортлӧн!
Светлана Крохалева

Кывбур, кöда меным дона…

Эмöсь быдкодь кывбуррез, кöдна тöдсаöсь Му шар пасьта. Но меддона морт понда лоö поэзия, кöда гижöм мам кыв вылын. Мый эшö вермас ёнажык шонтны сьöлöм, саймöтны чувствоэз морт пытшкын, кыдз не роднöй кыв, кöдаöн гижöм кывбур, вежöртана чувствоэзöн, образзэзöн? Ме понда донаöн лоö кывбур Федор Степанович Истоминлöн «Кыла вывтырнам Коми крайöс…»: Эта кывбур горт йылісь: лирическöй герой мунö гортö автобус вылын, баитö аслас вайöтіськöт, тэрмöтö сійö, медбы шедны дона местаö чожажык. Автобусыс пöртчö ёртö, кöда отсалö лирическöй геройлö шедны гортö, местаö, кытчö кыскö сьöлöм, кытöн чулаліс медгажа кад ‒ челядь кад. Гортö локтöм – этö «югыт гаж» лирическöй герой понда. Эта гаж понда лирическöй герой нельки, кыдз мортöс, бы окыштö автобуссö и кöсйö сылö «дыр олан», «бур гараж». Вежöртана, что автобус – кöртовöй машина, кöдалöн абу лов, но сія, кин отсалö лоны счастливöйöн, радостнöйöн, оз вермы лоны ловтöмöн, сьöлöмтöмöн. Эд автобус вайöтö не йöзö, а гортö, и только эта понда уже туйö висьтавны: «Ыджыт аттьö». Ме понда лоö матын эта сюжетыс, кыдз и уна отир понда, кöдна мунöны гортісь, медбы уджавны, велöтчыны мöдік местаö, йöзö. Гортö локтöм пöртчö быдса вежалунö, и кывбур «Кыла вывтырнам Коми крайöс…» видзö ас пытшкас сэтшöм гажа чувствоэз, кöдна аркмöны, кöр тэ локтан гортö.
Анастасия Салтанова

Кыла вывтырнам Коми крайöс.
Тэ, автобус, чожажык пöльт
Горизонтлöн чертаыс сайö.
Шоччисьöм йылiсь, ёрт, вунöт.


Кöр вайöтан тэ менö гортö,
Сетан киэзам югыт гаж,
Кöдзыт чукат окышта, кыдз мортöс.
Дыр олан тэныт, бур гараж!


(Ф.С. Истомин)

Эн гажтöмтчы, мича нылöй,
Локтас чожа тулыс кад.
Матын сылöн шыыс кылö,
Эта вылö сьöлöм рад.


Тэ дын счастье локтас чожа ‒
Любитöмлöн гаж пора.
Тэнат счастьесянь ме тожö
Лоа счастьеа бöра.


Тэнат счастьесянь ‒ счастливöй,
Тэнат горесянь ‒ нерад.
Эн гажтöмтчы, мича нылöй,
Сэтшöм тэнат öнi кад.


Г.М. Бачева

«Эн гажтöмтчы, мича нылöй…»

Кывбурын Галина Михайловна Бачевалöн петö тема радейтöмлöн: томся кад, кöр сьöлöмын уна чувствоэз и бергалö юр. Кöр лыддьöтам кывбур, сразу миян син одзын аркмö серпас, кытöн ордчöн пукалöны мам и ныв. Том нывкалöн сьöлöм пессьö, сылö гажтöм, а мамыс сiйö успокаивайтö, малалö юрси и висьталö бур кыввез: «Эн гажтöмтчы, мича нылöй / Локтас чожа тулыс кад». Мам öтлаын нывкöт переживайтö, кöр кагалö умöль, эд мамлö эшö умöльжык: «Тэнат горесянь ‒ нерад». Быдöс эшö лоас нывкалöн: и радейтöм, и шуд. Эд кöдзыт тöв бöрын локтас шоныт тулыс, и сьöлöмын чужас радейтöм да шуд: «Тэ дын счастье локтас чожа ‒ // Любитöмлöн гаж пора». Рифма сьöртi первöй строчка рифмуйтчö куимöткöт, а мöдiк нёльöткöт, и сiдз быд строфаын. Петö, что рифма перекрётснöй, а ачыс кывбурыс аркмöтöм кольцевöй композиция отсöтöн. Кывбурлöн пом вайöтö миянöс бöр медодзза торыс дынö, медбы эшö öтпырись уськöтны тöдвылö медшöр дума: эм эшö быдса олан и быдöс лоас одзлань бур. Меным гленитчис эта кывбурыс. Адззи ас пондам дума, что кад мунö и нöбöтö умöльсö и шогсö, а ны местаö локтö гаж да шуд.
Епанова

Кывбур, кöда вöрзьöтiс сьöлöм…

Быдкодь поэтическöй произведеннёэз лыддьöтiкö, мийö пантасьлiм уна темаэзöн, но медбура сьöлöм вöрзьöтiс тема горт йылiсь, чужанiн йылiсь. Кытшöм трепетöн, радейтöмöн гижöны поэттэс асланыс учöт родина йылiсь, Парма йылiсь, коми му йылiсь, позьö казявны почти быд кывбурын эта тема вылö. Энö кывбурресö лыддьöтiкö аркмöны сэтшöм жö чувствоэз, кытшöмöсь испытывайтö ачыс поэтыс: гордость, радейтöм, восхищеннё. Меным донаöн лоö Галина Михайловна Бачевалöн кывбур «Керöс дорöт нюжалöма гортö…»: Образ гортлöн мыччалöм учöт чужанiнöн, деревняöн, кытöн олö лирическöй героиня. Радейтöмсö чужанiн дынö сiя мыччалö вöр-ва отсöтöн, кытöн быд пельöсокыс лоö донаöн лирическöй героиня понда: и керöсыс, и посыс, и шорокыс, и рябинаыс, и нельки важмöм йöрыс. Аслас строчкаэзын Галина Бачева используйтö образзэз, характернöйöсь сы поэзия понда: образ рябиналöн и вöвлöн. Эта случайын рябина петö, кыдз символ родиналöн, кöда шонтö сьöлöмсö лирическöй героинялiсь: «Гöрд рябиновöй роззэз окала, мед сьöлöм бердiсь шоныт эз чин». Образ вöвлöн ассоциируйтчö шуда оланкöт. Лирическöй героиня видзö тöдвылын этнö моменттэсö, кöр сiя гуляйтлic вöлыскöт. Эттшöм воспоминаннёэз лоöны сы понда öддьöн донаöсь, шонытöсь, шудаöсь. Кывбурас поэтэсса неöтпыр обращайтчö эта образ дынö, мыйöн буржыка мыччалö ассис отношеннёсö не только вöлыс дынö, но и воспоминаннёэз дынö, местаэз дынö, кытöн гуляйтлicö. Сiдз жö лирическöй героиня обращайтö вниманнёсö обычнöй, кытшöмкö привычнöй действиеэз вылö: кыдз сiя ветлöтiс вöлоккöт, мый йылiсь думайтiс, кытчö и кыдз сiя мунiс. Этна, кажитчö, привычнöй действиеэс лоöны важнöйöн лирическöй героиня понда, эд сiя роднöй чужанiнын, кытöн быдöс сы понда дона. Эта кывбурын позьö казявны радейтöм учöт чужанiн дынö, кытöн вöр-ваыс сетö вын; тöдвылын олöны шуда воспоминаннёэз, и быд пельöсок лоö донаöн, роднöйöн.
Виктория Тупицина

Керöс дорöт нюжалöма гортö.
Улын, пос увтын, боргö шорок.
Кöркö юрсö чатыртöмöн, повтöг
Эстi менö новйöтiс вöлок.


Керöс увтö ньöвьёсьöн уйыштас,
Коккес пос бердö павкасö торк.
Кузь бурси бердас синнэз куньышттöг
Тырмис сэк менам видзсьыны прок.


Омöн менö вöлокö новйöтiс,
Оз сьöлöм бердiсь кер сiя кальк.
Берта думанам сы дын и вöтöн,
Эг бы мун кытчö, кыт эг оськав.


Керöс дорöттяс муна жагöник,
Керöс увтö ‒ бергалыштö юр.
Вуджа сiя жö пос вылöт лöня,
Жагмöм кок увтам нем мед эз сюр.


(В.М.Бачева)

Любитöмыс — абу сьöкыт ноша,
Кöть ответтöм, кöть и синвасора.
Кузь олан мукöдыс сiйö кошшö
И судьбалiсь весись сiйö корö.


Любитöм — оланыссянь награда,
Ыджыт шог и ыджыт-ыджыт счастье.
Сысянь сьöлöм ёткöпалö радöн,
Кöр тэ меным ылiсянь шыасян.

Эта оланын абу морт кöда бы эз радейт. Радейтöм миянöс керö буржыккезöн, чистöйэзöн. Радейтöм овлö разнöй, туйö радейтны каньöс, мамöс, мортöс да хоть мый, мый тэнат сьöлöмдынö матынжык. Сiя овлö: шудтöм, ответтöм, синвасора. Влюблённöез часто гижöны кывбуррез. Но каждöй гижись мыччалö быднёжа ассис радейтöмсö. Именно кывбуррезын кокнитжык мыччавны ассит чувствоез, мыччавны радейтöм. Сiйöн оз туй пантавны поэтöс кöда бы эз гиж радейтöм йылiсь. Кывбуррез Гуляевалöн лыддьöтчöны кокнита, öтiк лов вылын, кöр лыддьöтан чувствуйтан и сопереживайтан сылö. Если öткоддявны мöдiккезкöт, то нылöн кывбуррез гажтöмöсь и радейтöм петö шуддтöм. Эта кывбур ме понда лоö быд донаöн, сiйöн, что лирическöй героиня любитöмсö мыччалö мöднёжа. Сiя лыддьöтiсьлö бы висьталö, что оз ков повны любитöмись, но и оз кол сiйö кошшыны, судьбаыс ачыс сiйö миянлö сетас. Öддьöн басöк строчкаэз «Любитöм - оланыссянь награда. Ыджыт шог и ыджыт-ыджыт счастье». Автор лыддьö, что любитöм это награда. Сiя жö кадö петö противопоставленнё, кытöн любитöм кыдз шог, но и кыдз счастье. Морт оз вермы овны радейтöмтöг. Кöр радейтан мортöс даже сы кыввезсянь сьöлöм ёткöталö радöн. Лыддьöтны сэтшöм любовнöй лирика не просто наслажденнё, а сiя заставляйтö миянöс думайтны, пыдынжыка видзöтны мирсö. Кыввбуррез гижсьöны лов отсöтöн, переживанеэз отсöтöн. Любитöм - этö прекраснöй чувство, кöда сетö борддэз. Радейтöм – этö чудо!

Оксана Кучева

«Кытшöм кывбур лоö дона ме понда?»

Кывбур Федор Степанович Истоминлöн «Чужан вудж» лоö медшöрöн темаын горт. Эта кывбурын поэт висьталö, что миян олан öддьöн зависитö миян вужжезсянь. Автор лэбтö медшöр проблема современнöй поколеннёлiсь. Произведеннё лоö колана öння кадö, уна отир озö донтö ассиныс чужанiнсö: вунöтöны мам кыв – рочсялöны, озö вовлö гортö, но этö быдöс колö берегитны, кыдз шуöны: «Чулалöм кадсянь оз ло вильыс» («Без прошлого нет будущего»). Мортлiсь олан туйö торйöтны куим этап вылö: чулалöм, öння да лоан кад. Эна куим этап öддьöн йитсьöны öтамöдкöт, и быль, миян чулалöм кад – этö сэтшöм период, кöда пуктö основасö, отсалö адззыны виль тöдöммез и сы отсöтöн миянлö эм мый уськöтны тöдвылö. Сы понда кывбур «Чужан вудж» лоö меддона ме понда.

Стихотворение Федора Степановича Истомина «Чужан вудж» («Корни») является главным в теме горт (дом). В этом стихотворении поэт говорит, что наша жизнь зависит от наших «корней». Автор поднимает главную проблему современного поколения: многие люди не ценят свою малую родину. Люди все чаще забывают родной язык – говорят только на русском, не приезжают домой, а это все нужно беречь, как говорят: «Без прошлого нет будущего». Жизнь человека можно разделить на три этапа: прошлое, настоящее и будущее. Эти три этапа очень связаны друг с другом, и правда, наше прошлое – это такой период, который закладывает основу, помогает приобрести опыт и благодаря ему нам всегда есть что вспомнить. Именно поэтому стихотворение «Чужан вудж» («Корни) является для меня самым дорогим.

Дарья Бразгина

ЧУЖАН ВУДЖ

Зорöтны кыдзкö сад ме кутчи,
Садитi уна ни пуок.
Но быдыс ны коласiсь учöт ‒
Дзик чужны ештöм кагаок.
«Кöр лэбасö ‒ и кувны позяс», ‒
Туйдöтiс менö сэк сосед.
И вайи вöрись ыджыт пожум,
Гажöтiс йöзлiсь синсö мед.
Виль местын тувдiс пу мыгöра,
Читкыльтчис, косьмис сылöн лыс.
Мöд пуэс öнi юр вевдöрас...
Сiдз ассит чужан вудж мöдöртны
Тэ кинкö могись, ёрт, эн лысьт.

Вийӧм надеяэз


Бöра жагöник гортö люган.
Чулалiс лунся уджлöн кад,
но сё кажитчö, мыйкö дзугö
оланлiсь аскодьöмö лад.


И оз гажöт, и оз тэрмассьы,
нач зоопаркись тэ кöин,
Сiдз тротуар кузя ляшмасян,
дзик гортын оз видзчись некин.


И ашын удж, а сэсся ‒ гортö,
и вильыс, тöдчö, оз ло нем...
Но челядькадся зонка горзö,
кöда кытöнкö тэын эм,


кöда казявтöм тэын олö
и öнi саймис ‒ он бурöт:
что невночка терпитны колö,
и что оланыс оз курöт.


А сiя тöдö: весь надейтчис,
а поди нельки чужис весь...
И тэын учöт зонка пессьö,
тэ мунан, лич некыдз оз лэдз.


Л.Е.Никитин

Вийӧм надеяэз

Этӧ кывбурсӧ ме лыддя ӧддьӧн трогательнӧйӧн, кытӧнкӧ даже трагичнӧйӧн. Кывбурас лирическӧй геройыс ӧтка. Сія бытьтӧ сувтӧтӧ лыддьӧтісьыс одзын вопроссэз: А мыйлӧ ми чужим? Мыйлӧ мортыс олӧ? Умӧль нето бур эта оланыс? Колӧ али оз надейтчыны буржык вылӧ? Эна юасьöммес лоисö матынöсь менам ловлö. Лирическӧй геройсӧ «пӧдтӧ» быд лунся ӧтік и сія жӧ удж. Сылӧ кажитчӧ, что эта уджыс дзугö оланыслісь лад, оз вайӧт оланас бурсӧ нем. Геройыслӧ лоӧ умӧль эта «однообразие» увья. Этасянь, ме думайта, сія адззӧ асьсӧ ӧштӧмӧн, невежӧртӧмӧн, и ӧні, кӧр саймис сы ловын учӧт зонка – сія горзӧ. Горзӧ, мыля эз зорамӧ сылӧн учӧт кадся мечтаэз, мыля нія эз быдмӧ, мыля эз вермӧ лэбны и вынсявны. Л.Е. Никитин бытьтӧ бы висьталӧ, что лирическӧй геройыс олӧ не ассис олансӧ, а мӧдік мортлісь, сідз кыдз сія ӧштіс, дзебис ассис мечтаэсӧ. Эта увья оланыс мыччассьӧ лыддьӧтісьыс одзын сэтшӧмӧн, кытшӧмӧн адззӧ сійӧ геройыс, гажтӧмӧн и однообразнӧйӧн, кытӧн абу некытшӧм югыт рӧм. Но сьӧлӧмгажӧн лоӧ сія, что лирическӧй геройыслӧн эм надежда. Сія веритӧ, что «оланыс оз курöт», что вермас эшӧ лоны сідз, что гортӧ, уджсянь локтікӧ, тэ он понды ляшмасьны, кыдз «зоопаркись кöин» и тэнӧ пондасӧ видзчисьны. Л.Е. Никитинлӧн кывбурыс лоис ме понда ӧддьӧн эмоциональнӧйӧн, осьтіс ме пытшкын кытшӧмкӧ внутренньӧй переживаннёэз олан понда. Кывбурсӧ лыддьӧтікӧ, туйӧ казявны гижисьыслісь ассямаэсӧ, позьӧ висьтавны, сылісь думаэсӧ, кӧднӧ сія бы нуӧтӧ отир дынӧ. Произведеннёыс сетӧ лыддьӧтісьыслӧ быдкодь размышленнёэз, кӧдна йылісь колӧ думайтны и кӧднӧ колӧ вежӧртны.
У каждого коми-пермяцкого писателя есть стихотворения, которые трогают сердце, берут за душу, которые тянут к себе. Произведения, которые ты читаешь не один раз, но они все равно являются дорогими для тебя. Для меня таким стихотворением является произведение Леонида Егоровича Никитина – «Вийӧм надеяэз» («Убитые надежды») Это стихотворение я считаю очень трогательным, где-то даже трагичным. В стихотворении лирическому герою одиноко. Он как будто ставит перед читателем вопросы: А зачем мы родились? Для чего человек живет? Хорошая или плохая эта жизнь? Нужно ли надеяться на лучшее? Данные вопросы стали близкими моей душе. Лирического героя «душит» ежедневная одна и та же работа. Ему кажется, что эта работа сбивает с толку, не приносит никакого счастья и радости в жизни. Герою становится плохо из-за этого «однообразия». Отсюда, я думаю, он видит себя потерянным, непонятым, и теперь, когда в его душе проснулся маленький мальчик, – он плачет. Плачет, почему не осуществились его детские мечты, почему они не выросли, почему не смогли подняться и стать сильнее. Л.Е. Никитин как будто хочет сказать, что лирический герой проживает не свою жизнь, а чужую, так как он потерял, похоронил свои мечты. Из-за этого жизнь предстает перед читателем таким, каким ее видит герой, скучной и однообразной, где нет места никаким ярким краскам. Но радостью является то, что у лирического героя есть надежда. Он верит, что «жизнь не укусит», что может еще случиться так, что приходя с работы, ты не будешь идти с трудом и скитаться, как «волк из зоопарка», и дома тебя будут ждать. Стихотворение Л.Е. Никитина стало для меня очень эмоциональным, открыло во мне внутренние переживания за нашу жизнь. Читая стихотворение, можно заметить своеобразные черты писателя, можно сказать, его мысли, которые он хочет донести до людей. Произведение дает читателю различные размышления, над которыми следует подумать и которые следует понять.

Юлия Утробина